Zure ni.eus posta helbidea erabiliz zifraturiko mezuak bidali eta irkaurtzeko modurik errazena Mailvelope erabiltzea da.
Mailvelope zure PGP gako propioarekin sinaturiko edota zifraturiko mezuak bidaltzeko aukera ematen dizun Firefox eta Chrome nabigatzailetarako eskuragarri dagoen luzapena da.
Mailvelope zure nabigatzailean instalatu eta konfiguratu ondoren, ni.eus-en webmail interfazetik mezuaren hartzaileak soilik irakurri ahalko dituen zifraturiko mezuak bidaltzen hasi zaitezke.
Kontuan izan ondorengo irudietan peru@ni.eus posta kontua erabiltzen dugula adibide gisa, zuk horren ordez zure benetako posta helbidea erabili behar duzu.
1 – Mailvelope instalatu
Lehenik eta behin zure gogoko nabigatzailean Mailvelope instalatu beharko duzu. Hona hemen luzapena jeisteko helbideak:
2 – Mailvelope ni.eus-en aktibatu
Zure ni.eus posta helbidearen webmailera sartu zaitez. Bertan zaudela, zure nabigatzailearen Mailvelope ikonoan klik egin (1) eta ondoren Autorizar este dominio (2).
Irekiko den lehiatilako hutsuneak irudian ikus daitekeen bezala bete itzazu eta azkenik Aceptar (3) botoia sakatu.
3 – Zure PGP gakoa inportatu edo sortu
Zure nabigatzailearen Mailvelope ikonoan klik egin eta ondoren Juego de llaves aukeratu ezazu.
Dagoeneko PGP giltza bat baldin baduzu Importar llave botoian klik egin eta zure gako publikoa gehitu ezazu.
Bestalde, PGP gakorik ez baduzu, hurrengo pausua burutu ezazu.
4 – Gakoa sortu eta zure helbidea egiaztatu
Gehienok ez duzue PGP gakorik izango, beraz gako berria sortu eta Mailvelopen konfiguratu beharko duzue.
Mailvelopen Juego de llaves konfigurazio atalean zaudela, Generar llave botoian klik egin eta hurrengo pantailako hutsuneak bete itzazu: zure izena, posta helbidea eta sortzen ari zaren gakoaren pasahitza idatzu behar dituzu.
Subir llave pública al Servidor de Claves de Mailvelop aukeratzea ere gomendatzen dizugu, horrek dena erraztuko bait du:
Gakoa sortu ondoren zure posta helbidean Verify your email address izenburua duen posta mezua jasoko duzu. Mezua ireki eta Mostrar mensaje botoian sakatu.
Mezua ireki ahal izateko, zure PGP gakoaren pasahitza eskatuko dizu Mailvelope-ek. Zure pasahitza idatzi ondoren, mezuaren edukia ikusi ahal izango duzu:
Mezuak agertzen den estekan klik egin eta zure email helbide balidatuko duzu.
5 – Lehen zifraturiko mezua bidali
Zure lehen zifraturiko mezua bidaltzeko, Idatzi mezu bat botoian klik egin. Mezuak idazteko pantailan Mailvelope ikonoan klik egin:
Irekiko den lehiatilatxoan zure mezuren hartzailea eta mezua idatzi behar dituzu:
Hartzailearen PGP gakoa Giltza zerbitzari publikoetan argitaratua badago edota zure Mailvelopen Juego de llaves atalean beraren gakoa inportatu baduzu, hartzailearen helbidea berdez koloreztatua ageriko da. Horrek zifraturiko mezua bidali ahal diozula esan nahi du.
Bestalde, hartzailearen helbidea gorriz koloreztatua ageri bada, ezin diozu zifraturiko mezurik bidali.